Filippinda vulqon otilishi ehtimoli sababli 60 ming kishi evakuatsiya qilindi

Filippindagi Mayon vulqoni bir necha kilometr yuqoriga vulqon kullarini ota boshladi. Shu sababli mahalliy aholi shoshilinch uylarini tark etmoqdalar.

Filippinning favqulodda vaziyatlarda boshqaruv bo‘yicha milliy kengashining ma'lum qilishicha, evakuatsiya qilingan odamlar soni 60 mingga yetdi. Ulardan ko‘pchiligi 59 ta evakuatsiya markazida joylashtirilganlar, biroq hammaga ham joy yetmayapti.

Vulqon otilishi ehtimoli sababli 17 ta shahar va munitsipalitetlarda maktablar yopilgan, aeroportlarda o‘nlab reyslar bekor qilingan.