BMTning falastinlik qochqinlarga yordam ko‘rsatish va ishlarni tashkillashtirish bo‘yicha Yaqin Sharq agentligi G‘azo sektorida taxminan 1 mln kishini oziq-ovqat bilan ta'minlash uchun mablag‘ yetishmayotganini ma'lum qildi.
Bu haqda falastinlik qochqinlarga yordam ko‘rsatish va ishlarni tashkillashtirish bo‘yicha Yaqin Sharq agentligining G‘azo sektoridagi bo‘limi rahbari Mattias Shmale Süddeutsche Zeitung’ga bergan intervyusida aytib o‘tdi.
«Juda ko‘plab odamlarda bu oziq-ovqat yordamiga haqiqatdan ham ehtiyoj bor. Agarda u yo‘qolsa, tartibsizlik, ocharchilik yuz beradi», - deya aytib o‘tdi u.
Shmalening so‘zlariga ko‘ra, AQShdan keluvchi pullar byudjyetning 60 foizini tashkil etgan, oziq-ovqat yordami ham undan moliyalashtirilgan.
Gazetaning iddao etishicha, Vashington 100 mln dollarlik mablag‘ning ikki o‘tkazmasini muzlatib qo‘ygan.
Eslatib o‘tamiz, avvalroq Tramp Davos yig‘ilishida Falastinga tahdid qilgandi.
