Sirdaryo viloyatining Guliston shahrida kutilmagan hodisa yuz berdi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.
Qayd etilishicha, Guliston shahrida 24 yanvar kuni soat 19:00larda Oqoltin tumani Do‘stlik M.F.Y. Terakzor ko‘chasi 8-uyda yashovchi, 1969 yilda tug‘ilgan B.M. mast holda “N.Zokirov” ko‘chasidan o‘tuvchi 7-piket 3485-km.da temir yo‘lni belgilanmagan joyidan kesib o‘tayotgan vaqtida 761-sonli “Buxoro-Toshkent” yo‘nalishida qatnovchi “Afrosiyob” tezyurar yo‘lovchi poyezdining shamoliga uchib ketib, shu yerda to‘xtab turgan yuk poyezd vagoniga urilib jarohat olgan va “o‘ng oyoq son suyagining o‘rta uchligidan ochiq sinish” tashxisi bilan kasalxonaga yotqizilgan.
Ayni damda ushbu holat yuzasidan surishtiruv ishlari olib borilmoqda.
