Xitoy amaldagi xalqaro munosabatlar tizimi bo‘yicha bayonot berdi

Xitoy amaldagi xalqaro munosabatlar tizimini qo‘llab-quvvatlashda davom etadi, uning asosida BMT turibdi. Bu haqda XXR tashqi ishlar vaziri Van I ma'lum qildi.

«Biz asosi BMTda bo‘lgan amaldagi xalqaro tizimni qat'iy qo‘llab-quvvatlashda davom etamiz, shuningdek, rivojlanayotgan mamlakatlar qonuniy huquqlari hamda manfaatlarini himoya qilib, kengaytiramiz», - deya diplomatning so‘zlarini keltiradi «Sinxua» agentligi.

Uning qo‘shimcha qilishicha, Pekin xalqaro maydonda barqarorlik va tartibni qo‘llab-quvvatlashga yo‘naltirilgan harakatlarini davom ettiradi.

Eslatib o‘tamiz, avvalroq AQSh Markaziy razvedka boshqarmasi rahbari Mayk Pompeo Xitoyning G‘arbga yashirin tarzda ta'sir ko‘rsatishga urinishi, xuddi Rossiyaning «qo‘poruvchilik faoliyati» kabi muhim narsa ekanini ma'lum qilgandi.