Samarqand shahrida jinoyat yuz berdi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.
Qayd etilishicha, 30 yanvar kuni soat 23:40larda Samarqand shahrida 2 noma'lum shaxs Jarariq ko‘chasi 8-uy oldida Farg‘ona tumanida yashovchi, 1995 yilda tug‘ilgan. O.Z.ni kuch ishlatish yo‘li bilan qo‘rqitib, “MI-4X” rusumli mobil telefonini tortib olib ketganlar.
Ko‘rilgan choralar natijasida ushbu jinoyatni Kattaqo‘rg‘on tumani Cho‘yanchi mahallasida yashovchi, Kattaqo‘rg‘on tumanidagi qishloq xo‘jaligi kasb-hunar kollejining 2-bosqich o‘quvchisi, 2001 yilda tug‘ilgan Sh.T. va Xavash mahallasida yashovchi, Samarqand shahridagi Transport va kommunal kasb-hunar kolleji 3-bosqich o‘quvchisi, 2000 yilda tug‘ilgan X.E.lar sodir etganliklari aniqlanib ushlanganlar.
