Poyezd bilan selfi qilmoqchi bo‘lgan ayol halok bo‘ldi

Tailand poytaxti Bangkokda ayol kishi o‘z do‘sti bilan temir yo‘l yo‘nalishida selfi qilayotganida halok bo‘ldi. Bu haqda «Sinxua» mahalliy politsiyaga asosan xabar qilmoqda.

Ta'kidlanishicha, 28 yoshli ayol yo‘lga chiqayotgan poyezd bilan fotosuratini olmoqchi bo‘lgan hamda kelayotgan sostavni payqashga ulgurmagan.

Eslatib o‘tamiz, avvalroq Internetda yaqinlashib kelayotgan poyezd fonida selfi olmoqchi bo‘lgan erkakning videosi paydo bo‘lgandi. Erkak masofani to‘g‘ri chamalay olmay, relslardan xavfsiz uzoqlikda turmagani sababli poyezd tomondan urib ketilgan.