17 kishi otib tashlangan Florida shtatining Parklend shahridagi maktab binosini buzib tashlashga qaror qilindi.
Ushbu qaror maktab rahbariyati yig‘ilishida qabul qilingan. Avvalroq Brouard okrugi maktablar kengashi boshlig‘i Robert Rensi o‘quvchilar fojia yuz bergan binoda o‘qimasliklari kerakligini aytgan.
14 fevralda “Mardjori Stounman Duglas” maktabida 19 yoshli Nikolas Kruz tomondan sodir etilgan otishmada 17 kishi halok bo‘lgandi, 15 kishi jarohat olgandi. Qotil maktabning sobiq o‘quvchisi bo‘lib, intizomni buzgani uchun maktabdan chetlatilgan bo‘lgan.
Ta'kidlanishicha, maktab rahbariyati binoning buzilishi ehtimolini shtatning qonunchilik yig‘ini a'zolari bilan muhokama qilgan. Mahalliy parlament senatori Bill Galvano maktabning buzilishi va yangisining qurilishini 30 mln dollarga baholagan.
