AQSh Shvetsiyaga 3,2 mlrd dollarlik Patriot tizimlarini yetkazib beradi

AQSh ma'muriyati Shvetsiyaga "3+" konfiguratsiyasidagi Patriot PAC-3 raketalarga qarshi mudofaa va havo hujumidan mudofaa tizimlarini sotish haqida qaror qabul qildi. Ularning umumiy qiymati qariyb 3,2 mlrd dollarni tashkil etadi. Bu haqda AQSh Mudofaa vazirligining DSCA mudofaa hamkorligi va xavfsizligi bo‘yicha boshqarmasi xabar berdi. U xorijga hukumatlararo shartnomalar bo‘yicha harbiy texnika va qurol-yarog‘ yetkazib berish, AQSh Qurolli kuchlari va boshqa mamlakatlar o‘rtasidagi aloqalarni ilgari surish, Vashingtonning mudofaa sohasidagi xorijiy sheriklariga moliyaviy hamda texnik ko‘mak ko‘rsatishga javobgar hisoblanadi. 

Ma'lumotlarga ko‘ra, Shvetsiyaga, xususan, 200 ta zenitli boshqariluvchi raketa, shuningdek, Patriot PAC-3+ tizimlariga raketalarga qarshi uskunalarni yetkazib berish mo‘ljallanmoqda.

Vashington hamda Stokholm o‘rtasida ushbu shartnomani bajarishga ruxsat AQSh Davlat departamenti tomonidan taqdim etilgan. Amerika ma'muriyati bu haqda AQSh Kongressini ham xabardor etdi. Endi AQSh ma'muriyatining qonunchilik tarmog‘ida bu harbiy shartnomani o‘rganib chiqish va uni ehtimoliy bloklash uchun 30 kunlik muddat bor.