15:15 / 24.02.2018
7403

Afg‘onistonda yana portlash sodir bo‘ldi

Foto: Reuters

Afg‘oniston janubidagi Hilmond viloyatida yuz bergan portlash oqibatida kamida bir kishi halok bo‘ldi va yana o‘n nafar inson turli darajada jarohat oldi. Bu haqda RIA «Novosti» Pajhwok agentligiga asosan xabar bermoqda.

So‘nggi ma'lumotlarga ko‘ra, Lashkargoh shahrida xudkush terrorchining o‘zini portlatgani tufayli jabrlanganlar orasida maktab o‘quvchilari ham bor. Shuningdek xabar berilishicha, portlash natijasida ikki mahalliy telekanal binosi zarar ko‘rdi.

Eslatib o‘tamiz, avvalroq Afg‘onistonda toliblar hujumi yuz bergani, harbiylar orasida qurbonlar ko‘p ekani xabar qilingandi.

Top