Toshkent shahrining Mirzo Ulug‘bek tumanida jinoyat yuz berdi, deb xabar bermoqda IIV axborot xizmati.
Qayd etilishicha, 2017 yil 18 oktabrda Mirzo Ulug‘bek tumanida Buxoro viloyatining Shofirkon tumani “Do‘rmon” QFY Yuqori Chig‘atoy ko‘chasi raqamsiz uyda yashovchi, vaqtincha ishlamaydigan, 1998 yilda tug‘ilgan A.B. Mirzo Ulug‘bek tumani Buyuk ipak yo‘li ko‘chasi 115-uyda joylashgan 5-sonli Davlat notarial idorasi oldida qarindoshi, Mirzo Ulug‘bek tumani Yalang‘och dahasida yashovchi A.Sh.ning nomiga rasmiylashtirilgan Bo‘z-2 dahasidagi 23-uyda joylashgan xonadonini V.R. nomiga oldi-sotdi shartnomasi orqali rasmiylashtirib, uning qizi M.B.dan 143 mln. so‘m pulni olib, ushbu pullarni A.Sh.ga bermasdan o‘z ehtiyojlari uchun ishlatib yuborganligi aniqlangan.
Ta'kidlanishicha, ko‘rilgan choralar natijasida A.B. ushlangan.
