Muvofiqlikni baholash organlari va metrologiya xizmatlari akkreditatsiyalash sohasidagi kichik korxonalar shtati – 100 kishigacha

Kichik tadbirkorlik sub'yektlariga kiruvchi tashkilotlar tasniflagichiga kiritiladigan qo‘shimchalar loyihasi QHTBT portalida e'lon qilingan, deb yozmoqda Norma.
 
Hujjatni 74.90.1 «Muvofiqlikni baholash organlari va metrologik xizmatlarning akkreditatsiyalash faoliyati» kichik sinfi bilan to‘ldirish taklif etilmoqda. Mazkur faoliyat turini amalga oshiruvchi mikrofirmalar xodimlarining o‘rtacha yillik soni 1 kishidan 20 kishigacha, kichik korxonalarniki esa – 21 kishidan 100 kishigacha bo‘ladi.
 
O‘zbekiston Respublikasi Iqtisodiy faoliyat turlari umumdavlat tasniflagichiga (IFUT 2-tahriri) tegishli o‘zgartirishlar kiritish taklif etilmoqda.
 
Ma'lumot uchun: Kichik tadbirkorlik sub'yektlariga kiruvchi tashkilotlar tasniflagichi IFUT 2-tahriri asosida ishlab chiqilgan va 1.01.2017 yildan amalga joriy etilgan.
 
Loyiha o‘zgartirilishi, unga qo‘shimcha kiritilishi yoki rad etilishi mumkin.