Abe Pxenyan muzokaralarga tayyor ekaniga qaramay, KXDRga maksimal bosim o‘tkazishni talab qilmoqda

Yaponiya hukumati Pxenyan Seul bilan muloqotga tayyor ekanini bildirganiga qaramay, KXDRga bosim o‘tkazish saqlab qolinishini talab qilmoqda. Bu haqda Yaponiya bosh vaziri Sindzo Abe tegishli bayonot bilan chiqqan.

«Yaponiya hukumatining fikricha, muloqot uchun muloqotdan mantiq yo‘q. Biz Shimoliy Koreyani faqatgina muzokaralarga tayyor ekani haqidagi so‘zlari uchun mukofotlashga qarshimiz. Yaponiya KXDRga maksimal bosim o‘tkazishni saqlab qolish tarafdori, jumladan unga qarshi joriy etilgan sanksiyalar butunlay bajarilishi kerak», - deya Abening so‘zlarini keltiradi TASS.

Uning qo‘shimcha qilishicha, Shimoliy Koreyaning «raketa-yadro dasturini yo‘q qilish bo‘yicha avvalgi majburiyatlari faqat vaqtdan yutish uchun qilingan va doimiy tarzda buzilgan».