Dunyodagi eng qadimiy to‘pponcha topildi

AQShning Kolorado shtatidagi Kanna-Krikda olib borilgan arxeologik qazilmalar vaqtida 16-asrga mansub ispan to‘pponchasining tepkisi va boshqa qismlari topildi. Topilma ispan mustamlakachilari Amerikaga avval hisoblangandan oldinroq kelganlaridan darak berishi mumkin.

Tadqiqotchilar to‘pponchadan tashqari 16-asrning o‘ziga xos bronejiletlarini topishgan. Kolorado universiteti olimlari topilgan to‘pponcha o‘rta asrlardagi mushketlarning (pilta miltiq) “ajdodi” bo‘lishi mumkinligini aytishmoqda. Bu to‘pponcha o‘qotar qurollar orasida yoshi bo‘yicha mutlaq rekord o‘rnatishi mumkin.