Xitoy AQShdan savdo cheklovlaridan tiyilishni talab qildi

Foto: David Gray/Reuters

Xitoy AQShdan e'lon qilingan savdo choralari va cheklovlaridan tiyilishni talab qilmoqda. Bu haqda XXRning AQShdagi elchixonasi saytida xabar berildi.

«Biz AQShni ijrodan tiyilish, qarorlarni o‘ta ehtiyotkor tarzda qabul qilish va Xitoy hamda Qo‘shma Shtatlar savdo munosabatlariga xavf soluvchi holatlardan qochishga chaqiramiz. Ular boshqalarga ziyon keltirishmoqchi bo‘lsa – bu yakunda o‘zlariga zarar bilan tugaydi», - deyiladi xabarda.

Shuningdek, elchixonadan qo‘shimcha qilishlaricha, «Xitoy bunday harakatlardan chuqur afsusda va ularga qarshi chiqadi».