Kataloniyada to‘qnashuvlar avjida, qariyb 100 kishi jabrlandi

Kataloniyada muxtor hudud sobiq yetakchisi Karles Puchdemon hibsga olinganiga qarshi chiqqanlar va politsiyachilar o‘rtasida yuz bergan to‘qnashuvlar natijasida taxminan 98 kishi jarohat oldi. Bu haqda El Pais tibbiy xizmatlarga asosan xabar bermoqda.

Ta'kidlanishicha, Barselonada 98 kishi tibbiy yordam so‘rab murojaat qilgan, ular orasida huquqni muhofaza qilish organlarining 22 xodimi bor. Leridda yana 7 kishi, Tarragonda esa 1 inson jarohat olgan.

Eslatib o‘tamiz, avvalroq Barselonada mitingga chiqqan odamlar va politsiya o‘rtasida yuz bergan to‘qnashuvlar oqibatida 35 kishi jabrlangani xabar berilgandi.