300 ming so‘mga pullangan og‘u

Andijon viloyati bojxona boshqarmasi xodimlari tomonidan boshqa huquqni muhofaza qiluvchi idoralar xodimlari bilan hamkorlikda o‘tkazilgan tezkor tadbir davomida giyohvand moddalar savdosi bilan bog‘liq jinoyat fosh etildi. Bu haqda Davlat bojxona qo‘mitasi axborot xizmati xabar bermoqda.

Tezkor tadbir davomida 1974 yilda tug‘ilgan T.R. shartli xaridorga 300 000 so‘m evaziga og‘irligi 36,31 gramm bo‘lgan “Marixuana” giyohvand moddasini o‘ziga tegishli bo‘lgan tomorqasining kichik xonasida sotayotgan vaqtda qo‘lga olindi. 

Hozirda ushbu holat yuzasidan jinoyat ishi qo‘zg‘atilib, tergov harakatlari olib borilmoqda.