Evo Morales diplomatlar mojarosi bo‘yicha pozitsiyasini ma'lum qildi

Boliviya rahbari Evo Moralesning ma'lum qilishicha, rossiyalik diplomatlarni chiqarib yuborish masalasi bo‘yicha Rossiya xalqi va prezident Vladimir Putinni qo‘llab-quvvatlaydi. Bu haqda u tvitterdagi sahifasida yozgan.

«Biz AQSh va Yevropaning ba'zi davlatlaridan rossiyalik diplomatlar chiqarib yuborilishi tufayli Rossiya xalqi hamda mamlakat prezidenti Vladimir Putin bilan birdammiz. Ular Rossiyani Angliyaning Solsberisida GRU sobiq polkovnigi Sergey Skripal va uning qizi zaharlanishida asossiz ravishda ayblashmoqda. Bu repressiyalar butun dunyodagi tinchlikka qarshi yo‘naltirilgan», - deya yozdi Morales.

Eslatib o‘tamiz, avvalroq Britaniya hukumati Londondagi Rossiya savdo vakolatxonasini yopish niyatida ekani, bu Skripal ish tufayli ro‘y berishi xabar qilingandi.