I'm back. Shvartsenegger yuragida o‘tkazilgan operatsiyadan so‘ng aytgan ilk so‘zlari ma'lum 

Arnold Shvartsenegger yurakda rejalashtirilgan jarrohlik amaliyotidan so‘ng o‘ziga keldi va qaytganini (I'm back) aytib o‘tdi. Shu tariqa, u «Terminator 3: Mashinalar isyoni» kartinasidan iborani qaytargan. Bu haqda aktyorning vakili Daniel Ketchell tvitterdagi sahifasida aytib o‘tdi.

«Shvartsenegger o‘ziga keldi va uning ilk so‘zlari „Men qaytdim” bo‘ldi, shuning uchun uning kayfiyati yaxshi», - degan Ketchell.

Eslatib o‘tamiz, 30 mart kuni 70 yoshli aktyor yurak klapanini almashtirish bo‘yicha jarrohlik amaliyotidan o‘tkazildi. U avvaldan rejalashtirilgan edi hamda muvaffaqiyatli amalga oshdi.