Iroqda mushuklar uchun birinchi mehmonxona ochildi

Iroqning janubidagi Basra shahrida mushuklar uchun mamlakatdagi birinchi mehmonxona ochildi. Bu haqda Reuters axborot agentligi xabar berdi. 

Veterinar talaba Ahmad Tohir Makkiy o‘zining uyini mushuklar uchun hashamatli mehmonxonaga aylantirdi. Uning fikricha, bu Iroqdagi birinchi shunday mehmonxonadir.  

Mehmonxonada bir tunni o‘tkazish 5 ming dinor (4,2 dollarga yaqin) turadi. Bu narxga mushukka uxlash uchun maxsus jihozlangan joy, tibbiy ko‘rik va oziqa taqdim qilinadi.