Boliviyada kuchli zilzila yuz berdi

Boliviya janubida 6,8 magnitudali zilzila qayd etildi. Bu haqda Globo portali xabar bermoqda.

AQSh geologik xizmati ma'lumotlariga ko‘ra, zilzila o‘chog‘i Karandaiti aholi punktidan 10-13 km shimol tomonda, 557 km chuqurlikda bo‘lgan.

Zilzila kuchi qo‘shni Braziliyaning bir nechta shahrida, jumladan, San-Paulu va poytaxt Braziliada sezilgan. Shu sababli turar-joy va ma'muriy binolardan odamlar evakuatsiya qilingan.

Ayni vaqtda yetkazilgan ziyon ko‘lami aniqlanmagan, jabrlanuvchilar haqida ma'lumot yo‘q.