Joriy yilning 1 aprel kuni Tailandning Chaingmay shahrida o‘tkazilayotgan o‘smirlar o‘rtasida Osiyo chempionati dasturidagi rapid yo‘nalishi nihoyasiga yetdi.
KUN.UZ’ga O‘zbekiston Shaxmat federatsiyasining xabar berishicha, musobaqa 7 turdan iborat shveysarcha tizimda tashkil etilgan bo‘lib, natijalarga ko‘ra, 16 yoshgacha o‘g‘il bolalar o‘rtasida Abdimalik Abdisalimov 35 nafar sportchi o‘rtasida oltin medalni qo‘lga kiritdi.
8 yoshgacha qizlar o‘rtasida Toshkent shahri vakilasi Odina Olimova 43 nafar sportchi o‘rtasida Osiyo chempionati kumush medalini qo‘lga kiritdi.
Shuningdek,12 yoshgacha qizlar o‘rtasida Umida Omonova umumiy hisobda 4-o‘rinni egalladi.
Qayd etilishicha, 2 apreldan musobaqaning standart yo‘nalishi bo‘yicha bahslar davom etadi.