Samarqand shahridagi «Mingut» mahallasida «Skazochnaya strana» MTM ochildi. U 120 o‘ringa mo‘ljallangan bo‘lib, bolalar u yerda rus tilida o‘qitiladi. Bu haqda Maktabgacha ta'lim vazirligi axborot xizmati xabar bermoqda.
«Lolazor 2» mahallasida «Umka N» nomli MTM faoliyat boshladi. Ushbu maktabgacha ta'lim muassasasida mashg‘ulotlar rus va o‘zbek tilida olib boriladi. 70 o‘ringa mo‘ljallangan bolalar bog‘chasi 15 bolani qabul qilib bo‘ldi.
«Siyobcha» mahallasida 70 o‘ringa mo‘ljallangan Advantage Smart Kids bolalar bog‘chasi ishga tushdi. Ayni paytda unga 35 kishi qabul qilindi. Bu yerda ham o‘quv mashg‘ulotlari rus tilida olib boriladi.
Shunday qilib, Samarqandda endi 12ta nodavlat ta'lim muassasasi mavjud. Davlat dasturiga muvofiq, viloyatda 2018 yil oxirigacha hammasi bo‘lib 50ta nodavlat ta'lim muassasasini ochish rejalashtirilgan.
