Yevropaning 25 ta davlatida soatlar yurishini sekinlashtirgan nosozlik to‘g‘rilandi 

Yevropaning elektr energiya operatorlari tarmog‘i ENTSO-E tarmoqqa a'zo 25 davlatda tok chastotasini 50 Gts gacha qaytarish uchun choralar ko‘rilganini ma'lum qildi.

ENTSO-E’ning matbuot-kotibi Kler Kamyuning 3 aprelda ma'lum qilishicha, maishiy texnikaga o‘rnatilgan va undagi vaqt borishi tok chastotasi yordamida hisoblanuvchi raqamli soatlar endi soz ishlamoqda.

Mart boshida Yevropaning 25 ta davlati aholisi maishiy texnikaga o‘rnatilgan raqamli soatlar 6 daqiqalik kechikish bilan yurayotganini aniqlashgan. Bunga Kosovo va Serbiya o‘rtasidagi bahs sabab bo‘lgan. Kosovo hududida ishlab chiqarilgandan ko‘proq energiya sarflangan. Kosovodagi tarmoq balansini qo‘llab-quvvatlashga javobgar Serbiya esa o‘z majburiyatlarini bajara olmagan.