Antaliya Xalqaro turizm akademiyasi O‘zbekistonning uch  shahrida bepul ta'lim uchun tanlov o‘tkazdi

19-27 mart kunlari Antaliya Xalqaro turizm akademiyasi O‘zbekiston Respublikasi Turizmni rivojlantirish davlat qo‘mitasining qo‘llab-quvvatlashi ostida mamlakatimizning uch shahri - Toshkent, Samarqand va Buxoroda Akademiyada 2 yillik bepul ta'lim olish uchun Grant taqdim etishga yo‘naltirilgan tanlovni o‘tkazdi. Qo‘mita vakillarining ma'lum qilishicha, tanlovning asosiy maqsadi - O‘zbekiston Respublikasidagi iste'dodli va qobiliyatli yoshlarni qo‘llab-quvvatlash.

Tanlovda O‘zbekistonning oliy ta'lim muassasalari va kollejlarida tahsil oluvchi 250 nafar talaba ishtirok etdi. Tanlov sinovlari Akademiya vakillari tomonidan ikki fan (matematika va ingliz tili) bo‘yicha yagona vazifa ko‘rinishida o‘tkazildi.

Mazkur tanlov yakunlari 2018 yilning 1 may kuni Turizmni rivojlantirish davlat qo‘mitasining rasmiy sahifasida yoki "Turizm o‘quv-konsalting markazi" saytida e'lon qilinadi.