O‘zganing avtomashinasini rasmiylashtirib berishni va'da qilib 4 700 dollar olgan firibgar ushlandi

Toshkent shahrining Yashnobod tumanida jinoyat yuz berdi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Qayd etilishicha, 2018 yil 29 yanvar kuni tuman IIBga tushgan hujjatlarga ko‘ra, 2017 yil 22 yanvar kuni Shayxontohur tumani 3-Qo‘rg‘oncha ko‘chasida yashovchi, 1984 yilda tug‘ilgan B.T. TXAY ko‘chasida joylashgan “Mustang” AYoQSh oldida 1984 yilda tug‘ilgan G‘.T.ga 1978 yilda tug‘ilgan I.Z.ga tegishli “Neksiya” rusumli avtomashinani keyinchalik uning nomiga notarial tartibda rasmiylashtirib berishni aytib, 4 700 AQSh dollarini olib ketib, bergan va'dasini bajarmay pullarni o‘z ehtiyojlari yo‘lida ishlatib yuborganligi ma'lum bo‘lgan.  

Ko‘rilgan choralar natijasida B.T. qo‘lga olingan.