Britaniyaning Kiprdagi samolyotlari Suriyaga zarba berishga tayyor turibdi

Britaniya harbiy-havo kuchlarining Kiprda joylashgan samolyotlari Suriyaga aviazarba berish maqsadida butunlay jangovar holatga keltirildi. Bu haqda Times xabar bermoqda.

«Bizning samolyotlar Akrotiridagi uchish-qo‘nish yo‘lagida turibdi. Biz tayyormiz», - deya xabar bergan Britaniya hukumatidagi manba.

Ta'kidlanishicha, Buyuk Britaniyaning Suriyadagi harbiy amaliyotiga, lozim bo‘lib qolgan taqdirda, Type 45 Destroyer va HMS Duncan eskadra minonosetsi ham jalb etilishi mumkin.

Eslatib o‘tamiz, avvalroq Mey Trampga Suriyada qo‘shma harbiy kampaniya bo‘yicha rad javobini bergani xabar qilingandi.