Tijorat bahonasi 8200 dollarni o‘zlashtirgan firibgarni ushlash choralari ko‘rildi – IIV

Toshkent shahrining Shayxontohur tumanida jinoyat yuz berdi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Qayd etilishicha, 2018 yil 10 fevral kuni IIBga tushgan xabarga ko‘ra, 2017 yil 22 dekabr kuni noma'lum shaxs Tinchlik ko‘chasida joylashgan “Tinchlik” supermarketi oldida 1990 y.t. U.U.ni aldash yo‘li orqali ishonchiga kirib, tijorati uchun 8200 AQSh dollari zarurligi va 2017 yil 23 dekabr kuni olgan pullarini qaytarib berishini aytib, bergan va'dasini bajarmay pullarni o‘z ehtiyoji uchun ishlatib yuborganligi ma'lum bo‘lgan. 

Ko‘rilgan choralar natijasida, ushbu jinoyatni Shayxontohur tumani Erkin tor ko‘chasida yashovchi, 1989 y.t. O.Ya. sodir etganligi aniqlanib, uni ushlash choralari ko‘rilgan.