Toshkentda fuqaroni 7 ming dollarga chuv tushirib ketgan firibgarni ushlash choralari ko‘rildi – IIV

Toshkent shahrining Shayxontohur tumanida jinoyat yuz berdi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Qayd etilishicha, 12 aprel kuni tuman IIBga tushgan hujjatlarga ko‘ra, 2017 yil 16 noyabr kuni, Qo‘rg‘oncha ko‘chasida yashovchi, muqaddam sudlangan, 1959 y.t. M.X. Abay ko‘chasida joylashgan 48-oilaviy poliklinika oldida 1959 y.t. S.M.ga Sebzor ko‘chasidagi uylar oldida joylashgan bo‘sh yer maydonidan do‘kon qurish uchun ruxsatnoma va qaror chiqartirib berishni va'da qilib 7 ming AQSh dollarini olib ketganligi ma'lum bo‘lgan.  

M.X.ni ushlash choralari ko‘rilgan.