Asad Suriyani tiklash uchun 400 milliard dollar kerak bo‘lishini aytdi

Suriya prezidenti Bashar Asad rossiyalik deputatlar bilan uchrashuvda g‘arb koalitsiyasi tomonidan berilgan aviazarbalar Suriya xalqini NATO davlatlaridan qo‘rqmay qo‘yishida yordam berdi, deb aytgan. Bu haqda Rossiya davlat dumasi vakili Dmitriy Sablin ma'lum qildi. 

“Prezident Asad Suriya xalqi zarbalardan keyin NATO davlatlaridan qo‘rqmay qo‘yganini aytdi”, deb ma'lum qilgan Sablin.

Sablin Asad bilan uchrashuvdan keyin Suriya infratuzilmasini tiklashga zarur bo‘lgan mablag‘ miqdori 400 mlrd dollarga baholanayotganini ma'lum qilgan. “Prezident Asad Suriya infratuzilmasini tiklash uchun 400 mlrd dollar mablag‘ va 10-15 yil vaqt ketishini aytdi”, deb qo‘shimcha qilgan Sablin.