Foto: RIA «Novosti» /Pavel Mixeyev
Xitoy janubidagi Tsin'yuan shahrida joylashgan karaoke-klubda yuz bergan yong‘in oqibatida 18 kishi halok bo‘ldi. Bu haqda RIA «Novosti» politsiya xabariga asosan yozmoqda.
Yong‘in mahalliy vaqt bilan soat taxminan 0:30 (Toshkent vaqti bilan 21:30)da boshlangan. O‘t o‘chiruvchilar voqea joyiga tezkorlik bilan yetib kelishgan va oradan 25 daqiqa o‘tib yong‘in o‘chirildi, biroq halok bo‘lganlar soni juda ko‘p bo‘lgan. Shuningdek, hodisa oqibatida besh kishi jabrlandi, ular shifoxonaga yetkazildi.
Tergov ma'lumotlariga ko‘ra, yong‘inga atayin o‘t qo‘yish sabab bo‘lgan bo‘lishi mumkin.
