Ramosni chetlatgan hakam «Barselona» – «Real» o‘yinini boshqaradi

Alexandro Ernandes Ispaniya chempionatining 36-turidan o‘rin olgan «Barselona» – «Real» o‘yinida ishlaydi, deb yozadi Marca.

35 yoshli referi uchun bu ikkinchi klasikodir. O‘tgan yilning aprel oyida u «Santyago Bernabeu»dagi o‘yinni boshqargan va unda kataloniyaliklar 3:2 hisobida g‘alaba qozongan edi.

Ernandes bahsning 77-daqiqasida «Real» sardori Serxio Ramosni maydondan chetlatgan, Lionel Messi esa so‘nggi daqiqada g‘alaba golini urgan edi.

Navbatdagi klasiko 6 may kuni «Kamp Nou»da o‘tkaziladi.