Venesuela va Panama o‘rtasidagi aviaaloqa 1 maydan tiklanadi

Venesuela va Panama o‘rtasidagi aviaaloqa 1 maydan tiklanadigan bo‘ldi. Aviaaloqa ikki davlat o‘rtasidagi munosabatlar keskinlashuvi oqibatida to‘xtab qolgan edi. Bu haqda Panamaning eng yirik aviakompaniyasi Copa Airlines ma'lum qildi.  

Venesuela aprel boshida Panama bilan savdo-iqtisodiy munosabatlarni 90 kunga to‘xtatgandi. Bu Panamaning 46 nafar yuridik va 22 jismoniy shaxsiga taalluqli bo‘lgan. Bu kompaniyalar qatoriga Sora aviakompaniyasi ham tushgan. Panama ham shunga monand javob qaytarib, Venesuela aviakompaniyalari bilan ishlashni taqiqlagan. Shuningdek, ikki davlat o‘z elchilarini chaqirtirib olgan.   

26 aprelda esa Venesuela prezidenti Nikolas Maduro ikki davlat o‘z elchilarini qaytarishga kelishib olganini ma'lum qilgan.