O‘zganing mashinasini sotib yuborgan shaxs ushlandi

Toshkent shahrining Shayxontohur tumanida jinoyat yuz berdi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Ma'lum bo‘lishicha, 27 aprel kuni IIBga tushgan hujjatlarga ko‘ra, 2017 yil mart oyida Farg‘ona viloyati Oltiariq tumanida yashovchi, I.T. “Eski Jo‘va” dehqon bozorida B.R.ni aldash yo‘li bilan ishonchiga kirib, uning “Kobalt” rusumli avtomashinasini bir yil muddatga boshqarib yurish uchun olib, bir oy ichida unga boshqa “Kobalt” rusumli avtomashinasini olib berishini va'da qilgan. 

Ushbu shaxs avtomashinani 8.500 AQSh dollariga sotib yuborib, bergan va'dasini bajarmay, pullarni o‘z ehtiyojlari uchun ishlatib yuborganligi ma'lum bo‘lgan. I.T. ushlangan.