Chempionlar Ligasi yarimfinalidan o‘rin olgan «Real» - «Bavariya» o‘yini 2:2 hisobida yakunlandi. Bu natija madridliklarni finalga olib chiqdi.
O‘yin taqdirini hal qilgan gol «Bavariya» darvozaboni Sven Ulrayxning qo‘pol xatosidan so‘ng, «Real» hujumchisi Karim Benzema tomonidan urildi.
Bahs tugagach, tushkunlikka tushgan nemis posboni jamoadoshlari kiyinish xonasiga kirib ketgan bo‘lsa-da, ancha vaqtgacha «Santyago Bernabeu» maydonini tark etolmadi.
