Toshkentda 9 mayga bag‘ishlangan navbatdagi aksiya o‘tkaziladi

O‘zbekiston Respublikasi Mudofaa vazirligi va O‘zbekiston Yoshlar ittifoqi Markaziy kengashi tomonidan 2 may, chorshanba kuni soat 14:00da Ikkinchi jahon urushi yillaridagi harbiy texnikalarda o‘sha yillarning harbiy kiyimini kiygan harbiy orkestr ijodkorlarining Toshkent ko‘chalari bo‘ylab harakatlanib, belgilangan joylarda konsert dasturlarini uyushtirish aksiyasi o‘tkaziladi. Bu haqda Mudofaa vazirligi Matbuot xizmati xabar bermoqda.

Aktsiya va konsert dasturlari Do‘mbirobod dahasi, Usmon Nosir ko‘chasidagi Shota Rustaveli haykali, Temuriylar tarixi davlat muzeyi, O‘zbekiston Yoshlar ittifoqi Markaziy kengashi binosi va “Yunusobod” bozori ro‘parasidagi avtobuslar bekati yonidagi maydonchalarda to‘xtaydi. Marshrut uzunligi 20 km.ga yaqin.