Xitoy bahsli orollarga raketa majmualarini maxfiy tarzda joylashtirdi

Xitoy hukumati Janubi-Xitoy dengizidagi Spratli bahsli orollariga kemalarga qarshi raketa majmualari va havo hujumidan mudofaa tizimlarini maxfiy tarzda joylashtirdi. Bu haqda CNBC telekanali manbalarga asosan xabar bermoqda.

Razvedkadagi manbaning so‘zlariga ko‘ra, Xitoy Janubi-Xitoy dengizida Filippindan g‘arbdagi to‘rtta mustahkamlangan forpostdan uchtasiga majmualarni joylashtirgan, bu so‘nggi 30 kun davomida ro‘y bergan.

Telekanalning ta'kidlashicha, o‘rnatilgan tizimlar kemalarga taxminan 546 kilometr masofadan va havodagi obektlarga taxminan 296 kilometrdan zarba berishi mumkin.

Spratli – Janubi-Xitoy dengizidagi arxipelag bo‘lib, Xitoy, Filippin, Vetnam, Tayvan, Bruney va Malayziya ushbu orollarni o‘ziniki deb hisoblaydi.