Foto: KUN.UZ
O‘zbekistonda tashkil etilayotgan professional boks kechasining birinchi jangi bo‘lib o‘tdi. Unda Super yengil (-63,5) vazn toifasida ringga chiqadigan Jamshid Najmiddinov (17 g‘alaba, 1 mag‘lubiyat, 0 durang) gruziyalik Anzor Gamgebeliga qarshi ringga chiqdi.
Dastlabki soniyalardan ustunlikni qo‘lga olgan Jamshid ketma-ket ravishda raqibini nokdaun holatiga tushirdi. Raundning 2 daqiqa 28 soniyasida uchinchi nokdaundan so‘ng referi jangni to‘xtatdi va Jamshid Najmiddinov o‘zining prof-ringdagi 18-g‘alabasini qo‘lga kiritdi.
