Litva prezidenti Putinning inauguratsiya marosimiga taklif etilmadi

Litva prezidenti Dalya Gribauskayte va mamlakatning Moskvadagi elchisi Remigiyus Motuzas Rossiya prezidenti Vladimir Putinning 7 mayga rejalashtirilgan inauguratsiyasi marosimiga taklif etilmadi. Bu haqda lžinios nashri xabar bermoqda.

Portal Litva prezidenti ma'muriyatining matbuot xizmatiga tayangan. U yerdan xabar berishlaricha, ayni damga kelib marosimga taklifnoma yuborilmagan.

«Litva TIVning aniqlik kiritishicha, juma kuni yakuniga qadar mamlakatimizning Moskvadagi elchixonasiga ham taklifnoma kelmagan», - deya yozadi portal.

Vazirlikdan ta'kidlashlaricha, marosimda ishtirok etish to‘g‘risidagi qarorni taklifnoma olinganidan so‘ng qabul qilishadi.