Qotilga aylangan talaba ushlandi – IIV

7 may kuni soat 23.30larda Navoiy shahri Xatirchi tumanida yashovchi Navoiy Davlat pedagogika institutining talabasi R.S. mast holda Nizomiy ko‘chasida o‘zaro janjal oqibatida tanishi Sh.T.ning ko‘krak qismiga pichoq bilan urib jarohat yetkazgan. 

Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

Natijada Sh.T. kasalxonaga yotqizilgan va ko‘rsatilgan tibbiy muolajalarga qaramay vafot etgan. R.S. ushlangan.