Hindistondagi avtohalokatda 14 kishi hayotdan ko‘z yumdi

Hindistonda yo‘lovchilarni olib ketayotgan avtofurgonning avtosisterna bilan katta tezlikda to‘qnashishi oqibatida 14 kishi halok bo‘ldi, 20 dan ko‘proq kishi jarohat oldi. Bu haqda The New Indian Express nashri ma'lum qildi. 

Ta'kidlanishicha, voqea 12 may kuni Muxed shahrida yuz bergan. Avtofurgondagi odamlar mahalliy qishloqlardan biriga to‘yga ketayotgan bo‘lganlar. Jarohatlanganlar yaqin oradagi shifoxonalarga yetkazilganlar. Ulardan ba'zilarining ahvoli og‘ir deya baholangan.

Politsiya yo‘l transport hodisasi tafsilotlarini tergov qilishni boshlagan.