«Tolibon» Afg‘oniston shimolidagi qishloqlardan birini egallab oldi

«Tolibon» radikal harakati Afg‘oniston shimoli-g‘arbidagi Faryob provinsiyasida joylashgan Kara-Shayx aholi punktiga hujum uyushtirib, uni bosib oldi.

Mahalliy OAV xabariga ko‘ra, hujum natijasida afg‘onistonlik 6 nafar harbi xizmatchi halok bo‘lgan, yana 4 nafar harbiy jangarilar tomonidan asir olingan. Jangarilar 4ta tankni ham qo‘lga kiritganliklarini ma'lum qilishgan.

Shuningdek, «Tolibon» jangarilari Qunduz viloyatidagi Dasht-Archi tumanida amalga oshirgan hujum oqibatida, kamida 8 nafar harbiy xizmatchi halok bo‘lgan. To‘qnashuv vaqtida jangarilarning 6 nafari yo‘q qilingan, yordamga yetib kelgan kuchlar hujumni qaytargan.