«Толибон» Афғонистон шимолидаги қишлоқлардан бирини эгаллаб олди

Фото © flickr.com/Heinrich-Böll-Stiftung

«Толибон» радикал ҳаракати Афғонистон шимоли-ғарбидаги Фарёб провинциясида жойлашган Кара-Шайх аҳоли пунктига ҳужум уюштириб, уни босиб олди.

Маҳаллий ОАВ хабарига кўра, ҳужум натижасида афғонистонлик 6 нафар ҳарби хизматчи ҳалок бўлган, яна 4 нафар ҳарбий жангарилар томонидан асир олинган. Жангарилар 4та танкни ҳам қўлга киритганликларини маълум қилишган.

Шунингдек, «Толибон» жангарилари Қундуз вилоятидаги Дашт-Арчи туманида амалга оширган ҳужум оқибатида, камида 8 нафар ҳарбий хизматчи ҳалок бўлган. Тўқнашув вақтида жангариларнинг 6 нафари йўқ қилинган, ёрдамга етиб келган кучлар ҳужумни қайтарган.