NATO bosh kotibi: Rossiya bilan muloqot uchun yo‘l qidirilmoqda

Foto: NATO

NATO bosh kotibi Yyens Stoltenbergning Le Figaro gazetasiga bergan intervyusida ma'lum qilishicha, alyans Rossiya bilan muloqot uchun yo‘l qidirishda davom etmoqda.

Uning so‘zlariga ko‘ra, Rossiya NATO davlatlari uchun qo‘shni bo‘lib qolishda davom etadi, hamda alyansdagilar yangi sovuq urush yoki qurollanish poygasi boshlanishini xohlashmaydi.

«Biz Rossiya bilan muloqot uchun yo‘l qidirishda davom etmoqdamiz, sababi, bizning fikrcha, bunday muloqot uchun imkoniyatlar bor», - deya aytib o‘tgan Stoltenberg.

Shuningdek, u Moskva bilan munosabatlarni yaxshilash lozimligini qayd etib o‘tgan.

Eslatib o‘tamiz, avvalroq NATO Rossiya armiyasi yigirma yillik tanazzuldan so‘ng tiklanayotgani haqida ma'lum qilgandi.