GM-Uzbekistan’ga 1400 dollar evaziga ishga kiritib qo‘yishni va'da qilgan shaxs ushlandi – Bosh prokuratura

Bosh prokuratura huzuridagi Departamentning Qo‘rg‘ontepa tumani bo‘limi xodimlari tomonidan o‘tkazilgan tezkor tadbirda, Andijon mexanika zavodi ishchisi A. fuqaro G.dan uning tanishi R.ni “GM-Uzbekistan” AJda yuqori lavozimlarda ishlovchi tanishlari yordamida ushbu korxonaga ishga kiritib qo‘yishni va'da qilib, firibgarlik yo‘li bilan 1400 AQSh dollarini olgan vaqtida ashyoviy dalillar bilan ushlangan.

Bu haqda mahkama matbuot xizmati xabar berdi.

Qayd etilishicha, mazkur holat yuzasidan fuqaro A.ga nisbatan O‘zbekiston Respublikasi Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari olib borilmoqda.