Shri-Lankada suv toshqinlari. Qurbonlar soni ortmoqda

Shri-Lankaga yopirilgan to‘fon va kuchli suv toshqinlari oqibatida halok bo‘lganlar soni 19 nafarga yetdi, bu tabiiy ofat 128 ming kishining turmush tarziga ta'sir qilgan.

Bundan avvalroq suv toshqinlari 11 kishining hayotiga zomin bo‘lgani haqida xabar berilgandi.

«Sinxua» agentligi mamlakat Tabiiy ofatlar oqibatlarini bartaraf etish markazi raisi Pradip Kodippiliga asoslanib bergan xabariga ko‘ra, 55 mingdan ortiq kishi o‘z turar joylarini tark etishga majbur bo‘lgan.

Shri-Lankada har yilgi musson yomg‘irlari davri kirgan. Meteorologiya xizmatlari ayrim hududlarda yoqqan yomg‘ir hajmi 150 millimetrga yetishi mumkinligidan ogohlantirgan.