21:41 / 27.05.2018
3062

Rikkyardo “Formula-1”ning Monako Gran-prisi g‘olibi bo‘ldi

Foto: EPA-EFE/YOAN VALAT

“Formula-1”ning Monako Gran-prisi g‘olibi “Red Bull” jamoasi a'zosi, avstraliyalik Daniel Rikkyardo bo‘ldi.

Marraga ikkinchi bo‘lib “Ferrari” a'zosi Sebastyan Fettel, uchinchi bo‘lib esa “Mersedes” vakili Lyuis Xemilton keldi.

28 yoshli Rikkyardo faoliyatidagi 6-g‘alabani va joriy mavsumdagi 2-g‘alabani qo‘lga kiritdi. Poygachi ushbu Gran-prida birinchi marta g‘olib bo‘ldi.

6 ta poygadan keyin yetakchilikni 110 ochko bilan Xemilton saqlab qolmoqda, 2-o‘rinni Fettel (96) va 3-o‘rinni  Rikkyardo (72) egallamoqda.

Poyganing keyingi bosqichi Kanadada 8-10 iyun kunlari bo‘lib o‘tadi.

Mavzuga oid
Top