Andijon viloyati hokimining yangi o‘rinbosari tayinlandi

Rustam Mahmudovich Ismatullayev Andijon viloyati hokimining qishloq va suv xo‘jaligi masalalari bo‘yicha o‘rinbosari – viloyat qishloq va suv xo‘jaligi boshqarmasi boshlig‘i etib tayinlandi. Bu haqda viloyat hokimligi xabar bergan.

Jasurbek Abduraimov Baliqchi tumaniga hokimi etib tayinlanganligi munosabati bilan vazifasidan ozod qilingan. Rustam Ismatullayev aynan uning o‘rnini egalladi.
 
R.Ismatullayev 1960 yil Namangan viloyati,  Uychi tumanida tavallud topgan. 1987 yili Toshkent davlat universitetini tamomlagan. Ma'lumoti bo‘yicha mutaxassisligi huquqshunos. 

Rustam Ismatullayev 1997 - 2000 yillarda Namangan viloyati, Namangan tumani hokimi, 2000 yildan 2011 yilga qadar Namangan viloyati Pop tumani hokimi vazifalarida ishlagan. 2017-2018 yillar davomida «O‘zparrandasanoat» uyushmasi raisi bo‘lgan.