«Sevilya» futbolchilari keyingi mavsumni yangi ustoz qo‘l ostida boshlaydilar.
Bugun Andalusiya klubi 43 yoshli Pablo Machin bosh murabbiy bo‘lganini e'lon qildi. Mutaxassis bilan 2 yillik shartnoma imzolandi.
Machin bundan oldin «Numansiya» (2011-2013) va «Jirona» klublarida ishlagan. Oxirgisi bilan mutaxassis Ispaniya chempionatida 10-o‘rinni egallagan.
«Sevilya» Primera o‘tgan mavsumini 7-o‘rinda yakunlab, Yevropa Ligasi yo‘llanmasini qo‘lga kiritgan edi.