2017 yilda AQSh harbiy amaliyotlari tufayli qancha odam halok bo‘lgani ma'lum 

Pentagonning kongressga xabar berishicha, 2017 yilda Amerika qurolli kuchlari harbiy amaliyotlari davomida tinch aholi vakillaridan 499 kishi halok bo‘lgan. Bu haqda CNN xabar qilmoqda.

«2017 yil davomida tinch aholi vakillaridan taxminan 499 nafari halok bo‘lgani va 169 nafari jarohat olgani haqida aniq ma'lumotlar bor», - deya harbiy mahkama bayonotini keltiradi telekanal.

Aniqlik kiritilishicha, gap AQShning Iroq, Suriya, Afg‘oniston va Yamandagi harbiy amaliyotlari haqida ketmoqda. Pentagon hisobotida ham aviazarbalardan, ham yer ustidagi amaliyotlar sabab qurbon bo‘lganlar hisobga olingan.

Shu bilan birga, vazirlikdan ta'kidlashlaricha, tinch aholi vakillari orasidagi qurbonlar bo‘yicha rasmiy raqam oshishi mumkin, sababi qator xabarlar hamon tekshirilmoqda.

Eslatib o‘tamiz, avvalroq Pentagon Asadni ogohlantirgandi.