«Liverpul» hujumchisi Muhammad Salohning vakillari futbolchi xizmatini «Barselona»ga taklif qilishdi, deb xabar bermoqda AS.
Agar Antuan Grizmann transferi amalga oshmasa, misrlik futbolchi uning o‘rniga «Barselona»ga o‘tishi mumkin. Saloh agentlari bu haqda kataloniyaliklarni xabardor qilishgan. Shundan so‘ng, tomonlar uchrashib, transferning imkoniyatlarini muhokama qilishgan.
Avvalroq, Saloh bilan «Real» klubi qiziqayotgani haqida xabarlar tarqalgan edi.
O‘tgan mavsumda Saloh jami 52ta o‘yinda maydonga tushib, 44ta gol urgan va 16ta golga hammualliflik qilgan.
